Samayojan khabar

Advertisment

SKIP THIS

खडेरीले मकै सखाप (फोटो फिचर)

  • मकैको बोट उखेल्दै किसान
  • चिसाङ शेर्पा खोटाङ,
    खडेरीले मकैको बोट सुकेपछि बेंशीक्षेत्रका किसानहरुले मकैको बोट (बिरुवा) उखेलेका छन् । मुख्य बाली मकैको बोट खडेरीले धमाधम सुकेपछि खोटाङका अधिकांश स्थानका किसानहरुले मकैको बोट बाध्यताले उखेलेका हुन् । असारको तेश्रो हप्तामा समेत पानी नपर्दा खडेरी आएपछि किसानले लगाएको मकैको बोट, रुखपात दिनदिनै सुकेर मासिदै गएको छ ।

    खडेरीले सुकेको मकैको बोट उखेल्दै राजापानी बरबोटेका कृषक । तस्विर चिसाङ शेर्पा

    खडेरीका कारण बारीमा लगाएको मकैका सानाठूला बोटहरु दिनैपिच्छे उखेलेर फाल्नु परेको खोटेहाङ गाउँपालिका–७ खोटाङबजारका कृषक भक्त बहादुर श्रेष्ठले बताए । ‘खडेरीले मकै सुकेर नष्ट भयो, खानेपानीको समेत अभाव हुन थालेको छ ।’ श्रेष्ठले भने । पानी नपर्दा खडेरीले मकैको बोट सुक्नुका साथै सयौ रोपनी खेतीयोग्य जमिन बाँझो बसेको छ । भीर पहराका रुखहरु समेत सुक्न थालेको हलेसी तुवाचुङ नगरपालिका–११ राजापानीका कृषक निर बहादुर कार्कीले बताए । खडेरी पिडित श्रेष्ठ र कार्की त प्रतिनिधि किसान मात्रै हुन् । जिल्लाको तल्लो भेगमा खेतीबाली गर्ने सबै किसानले लगाएको मकैको बोट उम्रिएपछि नै खडेरीले सखाप बनाएको छ ।


    खडेरीले राजापानीको बरबोटेमा सयौं हेक्टरमा किसानले लगाएको मकैका बोट, रुखपात, बाँसहरु मर्न थालेका छन् । जमेका आहालहरु सुकेका छन् । ‘बल्लतल्ल एक बित्ताको मकै उम्रिएको त्यही पनि सुकेर गएपछि उखेलेर वस्तुभाउलाई दिंदा वस्तुले नखाएकाले न मान्छेलाई न वस्तुभाउलाई नै रोपेको मकैले काम दियो ।’ राजापानी बरबोटेकी पवित्रा कार्कीले सुनाईन् । खडेरीकै कारण मकै त सकियो अन्य सवैखाले खाद्यन्नको विउ पनि मासिएकाले बाँच्नलाई गाह्रो परेको सोही ठाउँकी जोगमाया कार्कीले बताईन् ।

    खडेरीले सुकेको मकैको विरुवा उखेलिसकेपछिको बारी देखाउदै कृषक । तस्विर चिसाङ शेर्पा

    असारमा पानी पर्ला र बालीनाली लगाउला भनेर ढुक्क बसेका कृषकहरु खडेरीले उठिवास लगाउने परिस्थिती सिर्जना गरेपछि चिन्तित बनेका छन् । असारे भाकामा मेलापातमा व्यस्त हुनुपर्ने सिजनमा खडेरीले गाउँघर सुख्खा हुंदै गएपछि किसानहरु अलमलमा परेका छन् । खडेरी अझै केही समय लम्बिएमा मानिस र पशु चौपायालाई समेत पानी पिउनमा संकट आउने सवाकटहरेकी अम्बरी राईले बताईन् । खडेरीका कारण कोदोको विउ राख्न, रोपाई गर्न नसकिएको राईको भनाई छ । ४० हजार हेक्टरमा मकै खेती हुने जिल्लामा आधा भूुभागका मकैका विरुवा सुकेर जाँदा भोकमरी चल्ने खतरा बढेको छ । यसतर्फ सम्बन्धित निकायको ध्यान जान जरुरी छ ।

     

     


    २०७६ असार २० गते साँझ ६ :१९ मा प्रकाशित

    प्रतिकृया दिनुहोस

    सम्बन्धित समाचार


    ताजा अपडेट

    सोलुमा भाइको कुटाइबाट दाइको मृत्यु

    समायोजन खबर सोलुखुम्बु, सोलुखुम्बुमा भाइको कुटाइबाट दाइको ज्यान गएको...

    केही भूभागमा बदली र वर्षाको सम्भावना

    समायोजन खबर काठमाण्डौ, मनसुनी न्यूनचापीय रेखा (वर्षा गराउने प्रणाली)...

    ओखलढुङ्गामा बालिका बलात्कार गरेको आरोपमा वृद्ध पक्राउ

    समायोजन खबर ओखलढुङ्गा, बालिका बलात्कार गरेको आरोपमा ओखलढुङ्गामा एक...

    रिहाईको माग गर्दै प्रदर्शन

    चिसाङ शेर्पा खोटाङ, प्रहरीले पक्राउ गरेका चारजना युवाहरुलाई विनाशर्त...

    ६ जनालाई तुवाचुङ साप्ताहिक पुरस्कार

    समायोजन खबर खोटाङ, खोटाङबाट प्रकाशित हुँदै आएको तुवाचुङ साप्ताहिक...

    मुख्य समाचार

    साउन १६ गतेदेखि कांग्रेसले महाधिवेशन प्रतिनिधिको प्रशिक्षण गर्ने

    समायोजन खबर काठमाडौ, नेपाली कांग्रेसको केन्द्रीय नीति, अनुसन्धान तथा...

    सोलुमा भाइको कुटाइबाट दाइको मृत्यु

    समायोजन खबर सोलुखुम्बु, सोलुखुम्बुमा भाइको कुटाइबाट दाइको ज्यान गएको...

    केही भूभागमा बदली र वर्षाको सम्भावना

    समायोजन खबर काठमाण्डौ, मनसुनी न्यूनचापीय रेखा (वर्षा गराउने प्रणाली)...

    विप्लव समूहका उपत्यका व्युरो इञ्चार्ज माइला लामा पक्राउ

    समायोजन खबर काठमाडौं, विप्लव समूहका काठमाडौं उपत्यका व्युरो इन्चार्ज...

    मेलम्ची खानेपानी अझै डेढ वर्ष कुर्नुपर्ने

    समायोजन खबर काठमाण्डौ, सिन्धुपाल्चोकस्थित मेलम्ची खोलाको पानी काठमाडौँ उपत्यकामा...