फिल्मी तरिकाले भारतीय व्यापारीसँग २३ लाख लिएर फरार नेपाली युवती पक्राउ

समायोजन खबर काठमाडौ,
भारतका निर्माण व्यवसायी श्रीपाल जैनबाट २३ लाख लिएर फरार भएकी महोत्तरी औरी नगरपालिका -३ निवासी २१ वर्षीया डायन सेकेन्ड प्रहरीको फन्दामा परेकी छन् । भारतीय व्यापारीलाई तीन महिना अघि फेसबुकमा ‘फ्रेण्ड रिक्वेस्ट’ पठाएर उनले ठग्ने तयारी गरेको प्रहरी अनुसन्धानबाट खुलाशा भएको छ । आफूलाई धनाढ्य परिवारकी एक्ली छोरी बताउने डायनले भारतीय व्यापारीलाई आफ्नो बुबा सिंगापुरको प्रख्यात ‘बिजनेस म्यान’ भएको बताएकी थिइन् । उनले आफ्नो बुबाको भारतका मन्त्रीदेखि उच्च तहका कूटनीतिज्ञसँग पनि सम्बन्ध भएको भन्दै भारतीय व्यापारीलाई आफ्नो हातमा लिएकि थिइन् ।

उनले आफू एक्लो छोरी भएकाले धनी बाउको सबै सम्पत्ति मिलाइदिने भन्दै जैनलाई ठगी गरेको खुलेको छ । डायनाले जैनलाई नेपाल बोलाएकी थिइन् । नेपाल आएका जैनलाई उनले यही असार ६ गते भारत फर्किने क्रममा त्रिभुवन विमानस्थलमा भन्सारमा आफ्नो नाममा महँगो मूल्यको सुन आएकाले भन्सार तिर्न ४० लाख रकम चाहिने बताएकी थिइन् । तर जैन भारत फर्किन लाग्दा २३ लाख रुपैयाँ लिन डायन सफल भइन् । बुबा हङकङमै भएकाले रकमको जोहो गर्न गाह्रो भएको भन्दै उनले भारतीय व्यापारीलाई फसाउन सफल भएकी थिइन् ।

भारतको प्रमुख व्यापारी बनाइदिने आश्वासन पाएका भारतीय व्यापारीले पैसा दिन केहि शंका गरेपनि फेसबुकमा अर्को आइडी (बुबाको) बाट पैसा दिन भनेपछि जैनले २३ लाख दिएका थिए । फेसबुकमा डाइनाको बुबाको रिक्वेस्ट आएपछि जैनले विश्वास गरेर पैसा दिएको बुझिएको छ । म्यासेजमा बुबाको आइडीबाट आएको सन्देसमा लेखिएको थियो ’छोरीलाई पैसा दिनु इण्डियामै आएर फिर्ता गरिदिन्छु ।’

 

पैसा लिएपछि डायना र जैन सँग(सँगै भारत फर्किने योजना थियो । तर रकमको लेनदेन भएपछि जैन र डायन दुवै जना त्रिभुवन अन्तर्रा्ष्ट्रिय विमानस्थल पुगे । जहाँ पुगेपछि डायनले भीआईपी पास देखाउँदै आफू अर्को बाटोबाट आउने भन्दै गइन् । व्यापारी जैन भने साधारण प्रवेशद्धारबाट बिमानस्थल भीत्र छिरेका थिए । भारत जाने भनिएको विमान उड्नै लाग्दा समेत डायन विमानमा पुगीनन् । जतिखेरसम्म डायनले भारतीय व्यापारीलाई फसाएर बिमानस्थलबाट वाहिरिएर ट्याक्सी लिएर फर्कीसकेकि थिइन् । ति व्यापारीले आफ्नो फोन स्वीच गरेर विमान नचढी महानगरीय प्रहरी अपराध महाशाखा टेकुमा आएर जाहेरी दिए ।

 

डायन चढेको ट्याक्सीको सहयोगमा लाखौँ रुपैयाँ ठगीमा संलग्न ति युवतीलाई प्रहरीले त्यहि दिन साँझ उनकै काठमाडौँ स्थिति डेराबाट पक्राउ गर्यो । पक्राउ परेकी डायनाको कोठाबाट प्रहरीले २० लाख ८० हजार बरामद गरेको थियो । बाँकी पैसा उनले महोत्तरी पठाएकी थिइन् । उनको कोठाबाट प्रहरीले डायन सेकेन्ड नाम भएको राहदानी, भौचर ४ वटा, १० थान कार्ड बरामद गरेको छ । पक्राउ परेकी डायना सेकेन्डलाई ठगीसम्बन्धी कसुरमा मुद्दा चलाउन महानगरीय प्रहरी परिसर टेकुमा पठाइएको प्रहरीले जनाएको छ ।

 

प्रहरीको अनुसार डायन् काठमाडौँमा तीन वटा कोठा भाडामा लिएर भाइ र बहिनीसँगै बसेकी थिइन् । प्रहरीको अनुसार घटनामा उनको परिवारको संलग्नता नरहेको र बुबाको आईडी फेक भएको जनाएको छ । बयानका क्रममा डायनले बुबा डाइबेटिजको बिरामी भएकाले आफुलाई पैसा चाहिएकोको यस्तो काम गरेको बताएकी छन् । यस बिषयमा प्रहरीले अनुसन्धान गरिरहेको छ ।
२०७६ असार ८ गते राती ८ :३८ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

महिला व्रत बसेको दिन यौन सम्पर्क गर्न हुन्छ कि हुदैन ?

समायोजन खबर एजेन्सी, महिला व्रत बसेको दिन यौन सम्पर्क...

होलेसुङ-जनकराज मार्ग गोल्डकप : आयोजकको विजयी सुरुवात

समायोजन खबर खोटाङ, होलेसुङ–जनकराज राई मार्ग गोल्डकपमा आयोजक साकेला...

मुख्य समाचार

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

कुकुर तिहार र लक्ष्मीपूजा एकै दिन

समायोजन खबर काठमाडौं, पाञ्चांग निर्णायक समितिले यस वर्षको तिहारमा...

आगलागीबाट कपडा पसलसहित एक घर जलेर नष्ट

समायोजन खबर सोलुखुम्बु, सोलुखुम्बुको नेचासल्यान गाउँपालिका– १ ख्याम्पुमा आगलागीबाट...