Samayojan khabar

Advertisment

SKIP THIS

सांसदलाई रकम बाँड्न ६ वटा प्रदेशमा होडबाजी

समायोजन खबर काठमाडौं,
संघीय सरकारले जेठ १५ मा सार्वजनिक गरेको बजेटमा संघीय सांसदहरुलाई विकास निर्माणमा प्रत्यक्ष सहभागी गराउने भन्दै प्रतिसांसद ६ करोड रुपैयाँका दरले बजेट विनियोजन ग¥यो । संघीय सरकारको यो ‘ट्रेन्ड’ लाई प्रदेश सरकारले पनि पछ्याएका छन् ।

 

तीन तहका सरकार भएका बेला सांसदलाई बजेट बाँड्नु उपयुक्त नहुने भन्दै संघीय सांसदहरुले विरोध गरिरहेका बेला प्रदेश सरकारहरुले भने सांसदलाई पैसा बाँड्न होडबाजी नै गरेका छन् । अघिल्लो वर्ष प्रदेश नम्बर ३ र गण्डकी प्रदेशले सांसदलाई रकम बाँडेका थिएनन् । तर, सांसदहरुलाई रकम बाँड्ने परम्परालाई यस वर्ष यी प्रदेशहरुले पनि समातेका छन् । अघिल्लो वर्ष बजेट छुट्याएका प्रदेशहरुले पनि यसमा बजेट वृद्धि गरेका छन् । प्रदेश ५ ले भने निर्वाचन क्षेत्र पूर्वाधार विकास कार्यक्रम शीर्षकमा यसपालि बजेट विनियोजन गरेन । आगामी आर्थिक वर्षका लागि आइतबार सार्वजनिक गरिएको बजेटमा निर्वाचन क्षेत्र पूर्वाधार विकास कार्यक्रमका लागि कुन प्रदेशले कति बाँड्ने उल्लेख गरे ? अब त्यसतर्फ चर्चा गरौं ।
प्रदेश एक– १ अर्ब ८४ करोड
प्रदेश एकले आगामी आर्थिक वर्षका लागि बिनियोजन गरेको बजेट मध्ये १ अर्ब ८४ करोड रुपैयाँ प्रदेश सांसदहरुका लागि विनियोजन गरेको छ । प्रदेश एकले यस वर्ष दुई तरिकाले यस्तो बजेट विनियोजन गरेको छ । प्रदेश निर्वाचन क्षेत्र पूर्वाधार विकास कार्यक्रम भनेर प्रत्येक निर्वाच क्षेत्रलाई २ करोड ५० लाख रुपैयाँका दरले हुन आउने १ अर्ब ४० करोड रुपैयाँ एउटा शीर्षकमा बजेट विनियोजन गरेको प्रदेश एकले निर्वाचन क्षेत्र विकास कार्यक्रम भनेर छुट्टै ५० लाखका दरले ४८ करोड रुपैयाँ बिनियोजन गरेको छ ।

यो सबै सांसदहरुकै सहभागितामा विकास गर्ने भन्दै विनियोजन गरेको बजेट हो । यो सबै जोड्दा प्रतिसांसद ३ करोड रुपैयाँ हुन आउँछ भने कुल १ अर्ब ८४ करोड हुन्छ । प्रदेश एकको सरकारले अघिल्लो वर्ष प्रतिसांसद २ करोड रुपैयाँका दरले विनियोजन गरेको थियो ।
प्रदेश दुई– २ अर्ब ३५ करोड
प्रदेश दुईको सरकारले पनि दुई तरिकाले सांसदहरुका लागि रकम छुट्याएको छ । २ नम्बर प्रदेश सरकारले प्रतिसांसद ३ करोड रुपैयाँका दलरे रकम विनियोजन गरेको छ । जसमध्ये निर्वा्चित र समानुपातिक दुबै सांसदले आफ्नो इच्छा अनुसार खर्च गर्ने गरी बजेट विनियोजन पाउने उल्लेख छ । प्रदेशका निर्वा्चित सांसदले करोडका दरले पाउनेछन् । संसदीय विकास कार्यक्रम भनेर सोहि उद्देश्यको बजेट प्रति सांसद २ करोड रुपैयाँको दरले प्रदेश सरकारले विनियोजन गरेको छ । यो दुबै गरेर यस शीर्षकमा प्रदेश सरकारले २ अर्ब ३५ करोड रुपैयाँ विनियोजन गरेको छ ।प्रदेश २ ले अघिल्लो वर्ष चालु आर्थिक वर्षका लागि प्रतिसांसद ५० लाख रुपैयाँमात्रै छुट्याएको थियो ।

प्रदेश तीन– १ अर्ब ९८ करोड
प्रदेश ३ सरकारले आगामी आर्थिक वर्ष प्रदेश पूर्वाधार विकास कार्यक्रम सञ्चालन गर्ने जनाएको छ । अघिल्लो आर्थिक वर्ष यस्तो कार्यक्रम प्रदेश सरकारले समेटेको थिएन । संघ र अन्य प्रदेशहरु जस्तै यो प्रदेश सरकारले पनि सांसदहरुलाई सविकास कार्यमा सहभागी गराउनकै लागि यस कार्यक्रम समावेश गरेको हो । यसका लागि प्रदेश सरकारले १ अर्ब ९८ करोड रुपैयाँ विनियोजन गरेको छ ।
गण्डकी प्रदेश– ७२ करोड
गण्डकी प्रदेशले अघिल्लो आर्थिक वर्ष सांसदहरुका लागि बजेट विनियोजन गरेको थिएन । अघिल्लो वर्ष सांसदलाई बजेट नछुट्याएको यस प्रदेशले आगामी आर्थिक वर्ष ०७६(७७ का लागि भने बजेट विनियोजन गरेको छ । यस प्रदेशले निर्वाचन क्षेत्र विकास पूर्वाधार कार्यक्रम सञ्चालन गर्न भन्दै ७२ करोड रुपैयाँ विनियोजन गरेको हो । यस प्रदेशमा प्रदेशसभातर्फ ३६ निर्वाचन क्षेत्र छन् । जसअनुसार प्रतिनिर्वाचन क्षेत्र २ करोड रुपैयाँ हुन आउँछ ।
कर्णाली प्रदेश– १ अर्ब २० करोड
कर्णाली प्रदेशले आगामी आर्थिक वर्षका लागि पूर्वाधार विशेष कार्यक्रम सञ्चालन गर्ने बजेट उल्लेख गरेको छ । उक्त कार्यक्रमका लागि भन्दै कर्णाली प्रदेशले १ अर्ब २० करोड रुपैयाँ विनियोजन गरेको छ । जसअनुसार प्रतिनिर्वाचन क्षेत्र ५ करोड रुपैयाँ हुन आउछ । अघिल्लो वर्ष पनि कर्णाली प्रदेशले ५ करोड रुपैयाँ नै विनियोजन गरेको थियो । यो प्रदेशले पूर्वाधार विकासमा जनप्रतिनिधिको स्वामित्व स्थापित गर्ने भन्दै जनता सडक कार्यक्रमलाई निरन्तरता दिन थप ६३ करोड रुपैयाँसमेत विनियोजन गरेको जानकारी गराएको छ ।
सुदुरपश्चिम प्रदेश– ९६ करोड
सुदुरपश्चिम प्रदेशले आगामी आर्थिक वर्षका लागि प्रदेश पूर्वाधार विकास कार्यक्रम सञ्चालन गर्ने उल्लेख गरेको छ । प्रदेश सरकारको अघिल्लो बजेटमा पनि यो कार्यक्रम थियो । यसलाई निरन्तरता दिँदै प्रदेश सरकारले बजेट समेत बिनियोजन गरेकोछ । बजेट बढाएर सुदुरपश्चिमले यो शीर्षकमा ९६ करोड रुपैयाँ र्पुयाएको छ । जसअनुसार प्रतिनिर्वाचन क्षेत्र ३ करोड रुपैयाँ पुगेको छ । चालु आर्थिक वर्षमा यो प्रदेशले प्रतिनिर्वाचन क्षेत्र २ करोड रुपैयाँका दरले बजेट विनियोजन गरेको थियो ।
२०७६ असार २ गते बिहान ७ :३२ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

सोलुमा भाइको कुटाइबाट दाइको मृत्यु

समायोजन खबर सोलुखुम्बु, सोलुखुम्बुमा भाइको कुटाइबाट दाइको ज्यान गएको...

केही भूभागमा बदली र वर्षाको सम्भावना

समायोजन खबर काठमाण्डौ, मनसुनी न्यूनचापीय रेखा (वर्षा गराउने प्रणाली)...

ओखलढुङ्गामा बालिका बलात्कार गरेको आरोपमा वृद्ध पक्राउ

समायोजन खबर ओखलढुङ्गा, बालिका बलात्कार गरेको आरोपमा ओखलढुङ्गामा एक...

रिहाईको माग गर्दै प्रदर्शन

चिसाङ शेर्पा खोटाङ, प्रहरीले पक्राउ गरेका चारजना युवाहरुलाई विनाशर्त...

६ जनालाई तुवाचुङ साप्ताहिक पुरस्कार

समायोजन खबर खोटाङ, खोटाङबाट प्रकाशित हुँदै आएको तुवाचुङ साप्ताहिक...

मुख्य समाचार

साउन १६ गतेदेखि कांग्रेसले महाधिवेशन प्रतिनिधिको प्रशिक्षण गर्ने

समायोजन खबर काठमाडौ, नेपाली कांग्रेसको केन्द्रीय नीति, अनुसन्धान तथा...

सोलुमा भाइको कुटाइबाट दाइको मृत्यु

समायोजन खबर सोलुखुम्बु, सोलुखुम्बुमा भाइको कुटाइबाट दाइको ज्यान गएको...

केही भूभागमा बदली र वर्षाको सम्भावना

समायोजन खबर काठमाण्डौ, मनसुनी न्यूनचापीय रेखा (वर्षा गराउने प्रणाली)...

विप्लव समूहका उपत्यका व्युरो इञ्चार्ज माइला लामा पक्राउ

समायोजन खबर काठमाडौं, विप्लव समूहका काठमाडौं उपत्यका व्युरो इन्चार्ज...

मेलम्ची खानेपानी अझै डेढ वर्ष कुर्नुपर्ने

समायोजन खबर काठमाण्डौ, सिन्धुपाल्चोकस्थित मेलम्ची खोलाको पानी काठमाडौँ उपत्यकामा...