खानेपानी संचित गर्न मिटर जडान

चिसाङ शेर्पा खोटाङ,
खानेपानीको मुहानहरु सुक्दै जान थालेपछि खोटाङको एकवटा स्थानीय तहमा खानेपानी संचित गर्नलाई खानेपानीको धारामा मिटर जडान गरिएको छ । खानेपानीको मुहानहरु निश्चित हुनु र भएका मुहानहरु पनि सुक्ने स्थितीमा पुगेकाले दिप्रुङ चुइचुम्मा गाउँपालिकाकोे याम्खामा पहिलोपटक धारामा मिटर जडान गरिएको हो । स्थानीय तह आएसँगै यो काम जिल्लामा पहिलो भएको छ ।

 

उपभोक्ताहरुले व्यक्तिगत रुपमा खरीद गरेर मिटर जडान गरिएको हो । जसका लागि खानेपानीको ट्याङकीबाट धारामा जडान गरिएको मिटरसम्म पुग्ने पाईप भने गाउँपालिकाले खरिद गरेको हो । आर्थिक वर्ष २०७४/७५ मा २० लाख र आव २०७५/७६ मा १२ लाख ५० हजार गाउँपालिकाको आर्थिक सहयोग तथा ७ लाख ७८ हजार ४६८ रुपैयाँ जनश्रमदानमा याम्खाको रातमाटामा निर्माण गरिएको ७० हजार लिटर क्षमता भएको पानीट्याङकी आइतबार गाउँपालिका अध्यक्ष भूपेन्द्र राईले उद्घाटन गरेका छन् । ट्याङकी ढाल्नेफेद टुकुरेखोला खानेपानी आयोजनाले निर्माण गरेको हो । पानीट्याङकी उदघाटनसँगै पहिलो चरणमा मिटर जडान गरिएका ४२ घरधुरीमा खानेपानी पानी पुगेको छ ।


याम्खाका ८४ घरधुरी लाभान्वित हुनेगरी सुरु गरिएको आयोजनाबाट पहिलो चरणमा ४२ घरधुरीमा मिटर जडान गरिएको, १५ घरधुरीको मिटर आए पनि त्यसको सबै सामान नआएकाले जडान कार्य अगाडी नबढेको आयोजनाका अध्यक्ष बलजित राईले बताए । मिटरका सामान आएमा भोली पर्सी नै जडान गरिने र अन्य वाँकी घरधुरीमा पनि मिटर आउनासाथ जडान गरिनेछ । मिटर जडान गरिएसँगै उपभोक्ताहरुले न्युनतम शुल्क बुझाउनुपर्ने छ । अध्यक्ष राईले भने, ‘गरिब र निमुखाले पानी खान पाउन भन्ने हो तर, व्यापार हैन । खानेपानी आयोजनाको रेखदेख गर्ने कर्मचारी पाल्नका लागि मात्रै न्यनतम शुल्क निर्धारण गरेका हौ ।’

 

खानेपानी उपभोग गरे वापत न्युनतम शुल्क कती तिर्ने भन्ने उपभोक्ताहरुसँग बसेर तोकिनेछ । मिटरबाट पानी वितरण गरिने सिस्टम लागू भएपछि उपभोक्ताले आवश्यकता अनुसार पानी चलाउने र अन्य समयमा जस्तो पानीको काम नहुंदा पनि पानी छोडीरहने समस्या टर्ने गाउँपालिका अध्यक्ष भूपेन्द्र राईले बताए । पानीको मुहानहरु निश्चित हुनु, खडेरीले मुल सुक्दै जानु, मुहानहरु नपाउनुजस्ता कारणले गर्दा पनि मिटर सिस्टम लागू गरिएको गाउँपालिका अध्यक्ष राईले बताए । सञ्चालन भईरहेको योजनालाई थप सुधार गरेर लगिने उहाँको भनाई छ ।
२०७६ असार १ गते साँझ ५ :५९  मा प्रकाशित

प्रतिकृया दिनुहोस

सम्बन्धित समाचार


ताजा अपडेट

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

महिला व्रत बसेको दिन यौन सम्पर्क गर्न हुन्छ कि हुदैन ?

समायोजन खबर एजेन्सी, महिला व्रत बसेको दिन यौन सम्पर्क...

होलेसुङ-जनकराज मार्ग गोल्डकप : आयोजकको विजयी सुरुवात

समायोजन खबर खोटाङ, होलेसुङ–जनकराज राई मार्ग गोल्डकपमा आयोजक साकेला...

मुख्य समाचार

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

कुकुर तिहार र लक्ष्मीपूजा एकै दिन

समायोजन खबर काठमाडौं, पाञ्चांग निर्णायक समितिले यस वर्षको तिहारमा...

आगलागीबाट कपडा पसलसहित एक घर जलेर नष्ट

समायोजन खबर सोलुखुम्बु, सोलुखुम्बुको नेचासल्यान गाउँपालिका– १ ख्याम्पुमा आगलागीबाट...