लोकसेवाको विज्ञापन समावेसी बनाउन माग

समायोजन खबर खोटाङ,
नेपाल आदिबासी जनजाती महासंघ, दलित विकास मञ्च, अपांग सेवा संघ लगायतका संघसंगठनले समावेसी सिद्धान्त विपरित लोकसेवा आयोगको विज्ञापन खुलाइएको भन्दै खारेजको माग गरेका छन् । संविधानको मर्म, भावना, सिद्धान्त र प्रस्तावना विपरित खुलाइएको विभेदकारी विज्ञापनलाई तुरून्त फिर्ता माग गर्दै त्यी संघसंगठनले आज जिल्ला प्रशासन कार्यालयमार्फत प्रधानमन्त्रीलाई ध्यानाकर्षण–पत्र बुझाएका छन् । गणतन्त्र, संघीयता, समानुपातिक समावेसी र धर्मनिरपेक्षता संविधानको मुल आधार स्तम्भ भए पनि समावेशी सिद्धान्तलाई लत्याएर आयोगको विज्ञापन खुलाइएको नेपाल आदिबासी जनजाती महासंघ जिल्ला समन्वय परिषद खोटाङका अध्यक्ष हात्तीराम राईले बताए ।


ति संघसंगठनहरुले आयोगको विज्ञापन खुलाउने क्रममा भएका त्रुटी सच्याएर संविधानमा व्यवस्था भए अनुशार समानुपातिक समावेशी सिद्धान्त बमोजिम आरक्षणसहितको विज्ञापन खुलाउन सरकार समक्ष आग्रह गरेको छ । संघीय लोकतान्त्रिक शासन व्यवस्थामा आदिबासी जनजाती, मधेसी, दलित, थारु, मुस्लिम, महिला, पिछडिएको क्षेत्र लगायत सीमान्तकृत समुदायलाई राज्यको प्रशासनिक संरचनामा समानुपातिक समावेसीकरणको ठोस नीति, कार्यक्रम र उनीहरुको पहिचान जनित मौलिक परम्परा, भाषा, संस्कार संस्कृतिको संरक्षण, प्रवद्र्धन, विकासका लागि ठोस कार्यक्रम अवलम्वन गर्नुपर्नेमा वर्तमान सरकार विभेदकारी कदमतिर उद्यत भएको ध्यानाकर्षण–पत्रमा उल्लेख छ ।

 

‘नेपालको राजनैतिक, सामाजिक र प्रशासनिक क्षेत्रमा असमानताको अन्त्याका लागि केही प्रतिशत आरक्षणको व्यवस्था भएपनि वर्तमान सरकारले खोस्ने र उल्ट्याउने प्रयास गरिरहेको छ,’ अध्यक्ष राईले भने, ‘दुई तिहाईको सरकार आरक्षणको व्यवस्थालाई षड्यन्त्रपूर्ण र बदनियतपूर्वक निस्तेज पार्न उद्दत्त रहेको देखिएको छ । आयोगले सुशासन तथा राज्य व्यवस्था समितिको निर्देशन पालना गर्नुपर्छ ।’ आयोगले स्थानीयतहकालागि जेठ १५ गते कर्मचारीपदपूर्तिको विज्ञापन गरेको थियो ।
२०७६ जेठ ३० गते दिउँसो ३ :४८ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

महिला व्रत बसेको दिन यौन सम्पर्क गर्न हुन्छ कि हुदैन ?

समायोजन खबर एजेन्सी, महिला व्रत बसेको दिन यौन सम्पर्क...

होलेसुङ-जनकराज मार्ग गोल्डकप : आयोजकको विजयी सुरुवात

समायोजन खबर खोटाङ, होलेसुङ–जनकराज राई मार्ग गोल्डकपमा आयोजक साकेला...

मुख्य समाचार

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

कुकुर तिहार र लक्ष्मीपूजा एकै दिन

समायोजन खबर काठमाडौं, पाञ्चांग निर्णायक समितिले यस वर्षको तिहारमा...

आगलागीबाट कपडा पसलसहित एक घर जलेर नष्ट

समायोजन खबर सोलुखुम्बु, सोलुखुम्बुको नेचासल्यान गाउँपालिका– १ ख्याम्पुमा आगलागीबाट...