Samayojan khabar

Advertisment

SKIP THIS

साप्सुखोला पुलको ठेक्का लाग्यो

चिसाङ शेर्पा खोटाङ,
खोटाङको खाल्ले र याम्खाको सिमानामा रहेको साप्सुखोलास्थित ‘बाटो फेदी’ भन्ने स्थानमा निर्माण हुने मोटरेबल पक्की पुलको ठेक्का लागेको छ । दिप्रुङ चुइचुम्मा गाउँपालिका–१ याम्खा र दिक्तेल रुपाकोट मझुवागढी नगरपालिका–४ खाल्ले सिमानामा पर्नेे साप्सुखोलामा ४० मिटर लम्बाई र ६ मिटर चौडाईको मोटरेबल पुलको ठेक्का लागेको हो ।

 

खाल्लेको आहालेबाट साप्सुखोला हुंदै याम्खासम्म गाउँपालिकाले विस्तार गरेको सवैभन्दा छोटो दुरीको सडकको बिचमा पर्नेे साप्सुखोलाको बाटो फेदीमा बन्ने मोटरेबल पक्की पुलको ठेक्का सुर्य एण्ड सन्स प्रालिलाई लागेको हो । पुलका लागि गाउँपालिकाले इ–बिडिङबाट प्राविधिक/आर्थिक प्रस्ताव छट्टाछुट्टै माग गरिएपछि सवैभन्दा कम कबोलमा उक्त निर्माण कम्पनीलाई ठेक्का परेको गाउँपालिकाका आइटी अफिसर मणिचन्द्र राईले जानकारी दिए । ठेक्का लागेपछि जेठ १७ गते गाउँपालिका र निर्माण कम्पनीविच सम्झौता भएको छ । ५ करोड ६० लाख १० हजार ५४५ रुपैयाँ लागतमा निर्माण हुने मोटरेबल पुल सम्झौता भएको मितिले दुई वर्षभित्र सम्पन्न गर्नुपर्नेछ ।


पुलका लागि प्रदेश सरकारबाट १ करोड ३५ लाख बजेट बिनियोजन भएको छ । अपुग बजेट प्रदेश सरकार र सङ्घीय सरकारसँग माग गरिने गाउँपालिका अध्यक्ष भूपेन्द्र राईले बताए । प्रदेश र सङघीय सरकारले बजेट नदिएमा गाउँपालिकाबाट बजेटको व्यवस्थापन गरिने गाउँपालिका अध्यक्ष राईले बताए । हप्ता दिनमा निर्माण कम्पनी, गाउँपालिका, स्थानीय तथा सरोकारवालाविच सार्वजनिक सुनुवाई गरेर पुलको काम सुरु हुने उनले बताए । तर, पुल निर्माणमा प्राविधिक सहयोग गर्ने एलआर बिपीसँग ड्रोइङको पर्खाइमा रहेको र एलआर बिपीबाट ड्रोइङ प्राप्त भएपछि काम सुरु गरिने निर्माण कम्पनी सुर्य एण्ड सन्सका निर्देशक उमेश श्रेष्ठले बताए ।

 

जिल्लाको दक्षिणी भेगका स्थानीयका लागि सदरमुकाम दिक्तेल आवतजावत गर्न सबैभन्दा छोटो दुरीको सडकमा पक्की पुल बन्ने भएपछि स्थानीय हर्षीत भएका छन् । निर्वाचित भएको तीन महिनामा पुलको डिपिआर तयार गरेको गाउँपालिकाले अथक प्रयासमा टेण्डर आव्हानको प्रक्रिया सकेर पुल बनाउने टुंगोमा पुगेपछि गाउँपालिकाले बिकासमा फड्को मार्ने अपेक्षा गरिएको छ । सदरमुकाम दिक्तेल नजिक रहेको गाउँपालिका जानआउन छोटो दुरीको सडकमा पुल नहुंदा भनेजस्तो बिकास गर्न नसकिएको गाउँपालिका अध्यक्ष राईको भनाई छ । पुल नहुंदा हाल हिउँदमा पानी घटेको बेला मात्र उक्त रुटमा सवारी साधन चल्ने गरेको छ । साप्खुखोलामा पक्की पुल नहुनु नै सो गाउँपालिकासहित अन्यका लागि बिकासको बाधक बनेको छ ।
२०७६ जेठ २१ गते बिहान ७ :३० मा प्रकाशित

प्रतिकृया दिनुहोस

सम्बन्धित समाचार


ताजा अपडेट

तीनजना पत्रकार सहित अन्य तीनजना व्यक्ति पुरस्कृत हुंदै

चिसाङ शेर्पा खोटाङ, खोटाङमा क्रियाशलि तीनजना पत्रकार सहित अन्य...

खानेपानी संचित गर्न मिटर जडान

चिसाङ शेर्पा खोटाङ, खानेपानीको मुहानहरु सुक्दै जान थालेपछि खोटाङको...

पुलबाट हाम फालेर सुनकोसीमा एक जना बेपत्ता, खोजी सुरु अनलाईन लोगो

समायोजन खबर खोटाङ, दिप्रुङ चुईचुम्मा गाउँपालिका–४ बतासे नाप्तीकुका ललिन्द्र...

आज पनि हिजो जस्तै गर्मी

समायोजन खबर काठमाण्डौ, आज पनि हिजो जस्तै गर्मी छ...

प्रथम राष्ट्रपति रनिङ शिल्ड भलिबल प्रतियोगिता समापन

चिसाङ शेर्पा खोटाङ, दुई दिवसीय प्रथम राष्ट्रपति रनिङ शिल्ड...

मुख्य समाचार

हावाहुरीसहित वर्षाको सम्भावना, केही मात्रामा तापक्रम घट्ने अनुमान

समायोजन खबर काठमाण्डौ, एक सातायता बढेको तापक्रम आजदेखि भने...

बन्धक बनाएर यौन धन्दा

समायोजन खबर झापा, काठमाडौँको एउटा गलैंचा कारखानामा काम गर्दै...

एसईईको परीक्षाफल असार दोस्रो साता

समायोजन खबर काठमाण्डौ, राष्ट्रिय परीक्षा बोर्डले यस वर्षको माध्यामिक...

पेट्रोल, डिजेल र मट्टीतेलको मूल्य दुई दुई रुपैयाँले घट्यो

समायोजन खबर काठमाण्डौ, नेपाल आयल निगमले पेट्रोल, डिजेल र...

सांसदलाई रकम बाँड्न ६ वटा प्रदेशमा होडबाजी

समायोजन खबर काठमाडौं, संघीय सरकारले जेठ १५ मा सार्वजनिक...