Samayojan khabar

Advertisment

SKIP THIS

फोक्सिन्टार बेलिब्रिजःखोल्ने क्रम अन्तिम चरणमा, ६ महिना गाईघाट-दिक्तेल सोझो यातायात वन्द

समायोजन खबर खोटाङ,
गाईघाट–दिक्तेल सोझो यातायात जोड्ने सगरमाथा लोकमार्गको फोक्सिन्टारस्थित सुनकोसीमा सञ्चालित बेलिब्रिज खोल्ने क्रम अन्तिम चरणमा पुगेको छ । बेलिब्रिज खोल्न थालेपछि उदयपुर र खोटाङबीचको सोझो यातायात सम्पर्क टुटेको छ । ५० मिटर लम्बाइ र ५ मिटर चौडाइको बेलिब्रिज खोल्न थालेदेखि नै २ जिल्लाबीचको सोझो यातायात सेवा आउँदो ६ महिनाका लागि ठप्प भएको हो ।

 

उदयपुरतर्फ रौतामाई गाउँपालिका–५ आँपटार र खोटाङतर्फ खोटेहाङ गाउँपालिका–१ लिकुवापोखरीको फोक्सिन्टारमा बेलिब्रिज हरेक वर्खायाममा खोल्ने तथा हिउँदमा पुनःजडान गर्ने गरिएको छ । वर्षाको मौसममा कोसीमा आउने बाढीले बगाउने जोखिमबाट बँचाउन बेलिब्रिज खोल्ने गरिएको हो । गत १४ गतेदेखि खोल्न थालिएको बेलिब्रिज ८० प्रतिशत खोलिसकिएको र २/३ दिनभित्र सबै खोलिसक्ने गाईघाट–दिक्तेल सडक योजना कार्यालय उदयपुरले जनाएको छ ।


योजना प्रमुख (डिई) पशुपति ज्ञवालीले वर्षायाममा कोसीमा अत्याधिक आउने बाढीबाट जोगाउन बेलिब्रिज खोलेर सबै सामग्री सुरक्षित गर्ने गरिएको बताए । हिउँद लागेपछि हरेक कात्तिक मध्यतिर पुनः जडान गरेर दुई जिल्लाबीचको सोझो यातायात आवागमन सुचारु गर्ने गरिएको छ भने हरेक जेठमा बेलिब्रिज खोलेपछि सोझो यातायात सम्पर्क टुट्ने गरेको ज्ञवालीले बताए । यो वर्ष त्यत्ति पानी नपरेकाले बेलिब्रिज केही ढिला खोलिएको जोड्न तथा खोल्न जिम्मा पाएको ठेकेदार कम्पनी सगरमाथा कन्स्ट्रक्सन गाईघाटले जनाएको छ । कम्पनी सञ्चालक प्रेमराज कार्कीले वर्षा छिटो सुरु भएको साल वैशाख अन्तिमदेखि जेठ पहिलो साताभित्रै बेलिब्रिज खोलिसक्ने गरिन्छ भने ढिला सुरु भएको वर्ष ढिलै खोल्ने गरिएको छ । यो वर्ष अहिलेसम्म त्यति ठूलो वर्षा नभएकाले जेठ दोस्रो सातादेखि मात्र खोल्न थालिएको उनले बताए ।

 

यो वर्ष बेलिब्रिज जडान र खोल्नका लागि सडकले ८७ लाख हाराहारी खर्च गरेको छ। फोक्सिन्टारमा पक्की मोटरेबल पुलको अभावमा विगत ४ वर्षयता करोडौं खर्च बेलिब्रिज लगाउने र खोल्ने काममा खर्च भइरहेको छ । त्यसअघिसम्म फोक्सिन्टामा फेरि सञ्चालन गरेर मान्छे, उपभोग्य सामग्री तथा सवारी साधन कोसी वारपार गर्ने गरिएको थियो । २०७२ को बाढीले फेरि बगाएपछि बेलिब्रिजको प्रयोग गरिँदै आएको छ ।


सात वर्षदेखि फोक्सिन्टारमा निर्माणाधीन पक्की मोटरेबल पुलको काम भर्खर जग मात्र राखिएको छ । ०७५ चैत २० गते सम्पन्न गरिसक्नेगरी ०६९ चैत २० गते ठेक्का सम्झौता भएको पक्की पुल निर्माण कार्य ठेकेदार कम्पनीको लापरबाहीका कारण अहिलेसम्म २० प्रतिशत मात्र काम भइरहेकाले आउँदो २ हिउँदरबर्खा बेलिब्रिजकै भर पर्नुपर्ने सम्भावना रहेको स्थानीय बताउँछन् । १९ करोड ६० लाखमा ठेक्का सम्झौता गरेको गौरीपार्वती र बाइपी जेबीले अहिलेसम्म ६ करोड ६६ लाख भुक्तानीसेमत लिइसकेको पुल योजना सेक्टर १ सुनसरीले जनाएको छ ।

गाईघाट–दिक्तेल जोड्ने सगरमाथा लोकमार्ग ०५३ सालदेखि जारी रहे पनि अझै पूर्ण हुन सकेको छैन । फोक्सिन्टारदेखि उदयपुरतर्फ ५३ किलोमिटर र दिक्तेलसम्म ७६ किलोमिटर गरी १ सय ३९ किलोमिटर लामो लोकमार्ग दोहोरो लेनको पक्की र कालोपत्रे गर्ने क्रम चलिरहे पनि अहिलेसम्म १९ किलोमिटर (गाईघाट–साउने) सम्म) कालोपत्रे सम्पन्न भएको छ । आउँदो ०७६ असारभित्र दिक्तेलसम्मै कालोपत्रे भइसक्ने गरी काम अघि बढिरहेको डिई ज्ञवालीले बताएका छन् ।
२०७६ जेठ २० गते साँझ ७ :३४ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

तीन दिन चट्टयाङ्गसहित पानी पर्ने, सतर्कता अपनाउन सुझाव

समायोजन खबर काठमाडौं, आज देशभर मेघ गर्जन र चट्यांगसहित...

यौनमा भरपुर आनन्द कसरी लिने ? जान्नुहोस

समायोजन खबर काठमाडौं, पुरुष वा महिला यौनको समयमा जति...

खोटाङ वाप्लुखाका पहिरो पिडितलाई प्रदेश सरकारको राहत

समायोजन खबर खोटाङ, पहिरोमा श्रीमती र दुई छोरा गुमाएका...

अग्नि पिडित परिवारलाई गाउँपालिकाको राहत

चिसाङ शेर्पा खोटाङ, खोटाङको ऐंसेलुखर्क गाउँपालिकाले अग्नि पिडित एक...

आज श्रीकृष्ण जन्माष्टमी मनाईदै

समायोजन खबर काठमाण्डौ, वैदिक सनातन धर्मावलम्बीले ‘श्रीकृष्णजन्माष्टमी’ पर्व आज...

मुख्य समाचार

तीन दिन चट्टयाङ्गसहित पानी पर्ने, सतर्कता अपनाउन सुझाव

समायोजन खबर काठमाडौं, आज देशभर मेघ गर्जन र चट्यांगसहित...

यौनमा भरपुर आनन्द कसरी लिने ? जान्नुहोस

समायोजन खबर काठमाडौं, पुरुष वा महिला यौनको समयमा जति...

खोटाङ वाप्लुखाका पहिरो पिडितलाई प्रदेश सरकारको राहत

समायोजन खबर खोटाङ, पहिरोमा श्रीमती र दुई छोरा गुमाएका...

अस्तव्यस्त दिक्तेलवजार, अनुगमन गरिदै

समायोजन खबर खोटाङ दिक्तेल रुपाकोट मझुवागढी नगरपालिकाले नगरक्षेत्रलाई व्यवस्थित...

डुङ्गामा आगलागी हुँदा कम्तीमा २२ वेपत्ता, २५५ जनाको सकुशल उद्धार अनलाईन लोगो

समायोजन खबर जाकार्ता, इन्डोनेसिया, इन्डोनेसियाको जाभा टापूमा २७७ यात्री...