Samayojan khabar

Advertisment

SKIP THIS

शैक्षिक भ्रमण गएका विधार्थी लाश बनेर फर्किए

समायोजन खबर खोटाङ,
पढेर जागिर खाने अनि पैसा कमाएर आमा बुबालाई सुखसयलमा राख्ने सबै छोराहरुको सपना हुन्छन् । यहि सपनाको बुुई चढेर दिन प्रतिदिन कडा मेहेनत गरिरहेका दुई विधार्थीले अकालमै ज्यान गुमाए । प्राविधिक शिक्षा पढेर देशका लागि कर्मठ व्यक्ति बन्ने चाहाना उनीहरुको एउटा खोलाको दहमा समाप्त भयो ।

 

कुनै पनि अभिभावकले छोराछोरी बिग्रियोस, नासियोस भन्दैन । अभिभावकको दोश्रो रुप हो शिक्षक, गुरु । गुरुले पनि कहिल्यै आफ्नो विधार्थी बिग्रियोस र मरोस पनि भन्दैन, गुरुको त एउटै चाहाना हुन्छ । उनीहरु ठूलो मान्छे बनोस, जागिर खाउन् । यहि सपना बुनिरहेका दिक्तेल प्राविधिक शिक्षालयले विधार्थीलाई अझै तिक्ष्ण बनाउनका लागि गत शनिबार प्राक्टिकल भ्रमणका लागि साप्सु कालिका हाईड्रोपावरमा लगे । तर, विधार्थी अथवा शिक्षकको गल्तीले (अनुसन्धान भइरहेको) सो शिक्षालयमा सव–ओभरसियर अध्ययन गरिरहेका दिक्तेल रुपाकोट मझुवागढी नगरपालिका–४ खाल्लेका अन्दाजी १९ वर्षीय एलिस बस्नेत र सोही ठाँउका १९ वर्षीय विक्रम भट्टराईको पौडी खेल्ने क्रममा साप्सुखोला दहमा डुबेर ज्यान गयो ।


विधार्थी डुबेर मृत्यु भएको खबर सनसनीपुर्ण बजारमा फैलिन थाले । घट्नास्थलमा प्रहरी पुगेर करीव २/३ घण्टा लगाएर शव दह बाहिर निकाले । ट्याक्टरमा हालेर शव जिल्ला अस्पतालमा परिक्षणका लागि ल्याइयो । तर, मृतक विधार्थीका आफन्तले पोष्टमार्टम घरभित्र शव हाल्न दिएनन्, शिक्षालय सञ्चालकलाई कारबाही र उचित क्षतिपूर्तीको माग राखेर । सोही साँझ शिक्षालय सञ्चालकका तर्फबाट तीन र मृतक विधार्थीका आफन्तका तर्फबाट तीनजना वार्ता टोली बनाएर आईतबार बिहान जिल्ला प्रशासन कार्यालय र जिल्ला प्रहरी कार्यालयको रोहवरमा दुई पक्षविच सहमतीको प्रयास भए पनि सहमति नमिलेपछि मध्यान्हबाट मृतकका आफन्तहरु उग्र बन्दै दिक्तेलको हाटडाँडाबाट त्रिवेणीचोक, रत्नपार्क, भवनगैरासम्म शिक्षालय सञ्चालक विरुद्ध चर्को नारावाजी गर्दै बजार बन्द गराए । आन्दोलन नै गर्नु परेको मृतक एलिसका मामा विनोद वस्नेतले बताए ।

 

आफन्तहरु उचित क्षतिपूर्तीको माग राख्दै आन्दोलन गर्दै थिए । कतीले शिक्षकलाई दोष लगाए कतीले विधार्थीलाई । मर्ने त मरि गए अब कराएर, आन्दोलन गरेर हुन्न सहमती नै अन्तिम विकल्प हो भनेर बुद्धि निकाले अन्ततः आईतबार दिउँसो मृतक दुई विधार्थीका आफन्त र शिक्षालय सञ्चालकविच मृतकका परिवारलाई १/१ लाख किरिया खर्च र ५/५ लाख राहत रकम दिने सहमति भयो । तत्काल प्रति मृतक परिवार ५० हजार दिने र बाँकी रकम १५ दिनभित्रमा दिने सहमतीपछि आन्दोलन गरेका आफन्त गले, एकातिर पुत्र वियोगमा छटपटाई रहेका आमाबुबाहरु न्यास्रो मुख लगाएर घर फर्किए । दुबैजना दुबै घरका एकएक छोरा एलिस र विक्रम सदाका लागि चिर निन्द्रमा परिरहे ।


शिक्षालय र आफन्तविच सहमती भएपछि सोमबार (आज) शव परिक्षण गरिने र आफन्तलाई जिम्मा लगाइने प्रहरीले जनाएको छ । त्यसपछि आफ्नो संस्कार अनुसार परिवारले उनीहरुको संस्कार गर्नेछ । ज्यान गुमाएका साथी र त्यही प्राविधिक शिक्षालयमा अध्ययनरत विधार्थीहरु साथीको बिछोडमा कुहिरोमा हराएको काग झै भए, सवैको मुहार उजाड लाग्दो देखिन्थ्यो, देखिन्छ । कतीले घट्ना प्रत्यक्ष देखे तर, हामीले सोध्ने क्रममा भक्कानिएर बोल्नै मानेन् । विधार्थीको ज्यान गएपछि सबैले सामाजिक सञ्जालबाट दुःख व्यक्त गरे । नेकपा खोटाङ र खोटाङ कांग्रेसले शोक विज्ञप्ती मार्फत विधार्थीको मृत्युमा गहिरो दुःख ब्यक्त गरे ।
२०७६ जेठ २० गते बिहान ८ :५७ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

दिप्रुङमा छैटौं वर्थिङ सेन्टर

समायोजन खबर  खोटाङ, दिपु्रङ चुइचुम्मा गाउँपालिकामा छैटौं वर्थिङ सेन्टर...

जन्मदिनमा गरिब विधार्थीलाई पोशाक र कलम वितरण

चिसाङ शेर्पा खोटाङ, पछिल्लो पुस्तामा सामान्यतय सवैले नातेदार, साथीभाई...

शिक्षा क्षेत्रका दर्जन व्यक्ति सम्मानित

चिसाङ शेर्पा खोटाङ, शिक्षा तथा अन्तर्राष्ट्रिय साक्षरता दिबसको अवसरमा...

तेस्रो लक्ष्मीमार्ग अन्तर्राष्ट्रिय आमन्त्रण फुटबलको राशि दोब्बर

समायोजन खबर बेलबारी, मोरङको बेलबारीमा असोज ४ गते देखी...

तरकारीको मूल्य कती

समायोजन खबर खोटाङ, खोटाङको दिक्तेलबजारस्थित शनिवारे हाटमा तरकारी किन्दै...

मुख्य समाचार

रोल्पामा पहिरोले एक घरमा छ जना पुरिए

समायोजन खबर रोल्पा, रोल्पाको थबाङमा पहिरोले छ जना पुरिएका...

दिप्रुङमा छैटौं वर्थिङ सेन्टर

समायोजन खबर  खोटाङ, दिपु्रङ चुइचुम्मा गाउँपालिकामा छैटौं वर्थिङ सेन्टर...

जन्मदिनमा गरिब विधार्थीलाई पोशाक र कलम वितरण

चिसाङ शेर्पा खोटाङ, पछिल्लो पुस्तामा सामान्यतय सवैले नातेदार, साथीभाई...

बिक्री हुन छोड्यो माटाका भाडा

चिसाङ शेर्पा खोटाङ, आधुनिक प्रविधिका भाडाहरु बजारमा आउन थालेपछि...

शिक्षा क्षेत्रका दर्जन व्यक्ति सम्मानित

चिसाङ शेर्पा खोटाङ, शिक्षा तथा अन्तर्राष्ट्रिय साक्षरता दिबसको अवसरमा...