Samayojan khabar

Advertisment

SKIP THIS

‘मिडिया काउन्सिल सम्वन्धी विधेयक’ सच्याउन माग

समायोजन खबर खोटाङ,
नेपाल प्रेस यूनियन जिल्ला कार्य समिति खोटाङले नेपाल सरकारले ल्याउन लागेको नेपाल मिडिया काउन्सिल सम्वन्धी विधेयक र आमसञ्चार विधेयक संसोधनको माग गरेको छ । मन्त्री परिषदबाट पारित भएर संसदमा पेश भएको मिडिया काउन्सिल सम्वन्धी विधेयकले स्वतन्त्र पत्रकारिताको घाँटी थिच्ने र पत्रकारितालाई घुमाउरो किसिमले निरुत्साहित गर्ने, सत्ता र शक्तिको भक्तिगानमा पत्रकारितालाई लैजाने नियत देखिएको भन्दै यूनियनले सो बिधेयक संसोधनको माग गर्दै मंगलबार जिल्ला प्रशासन कार्यालय खोटाङमार्फत सरकारलाई ज्ञापनपत्र पठाएको छ ।
विचाराधिन रहेको विज्ञापन नियमन गर्न बनेको विधेयक, सूचना प्रविधिका सम्वन्धमा व्यवस्था गर्न बनेको विधेयक र संसदमा लैजाने तयार भएको आम सञ्चार लगायतका बिधेयकमा प्रस्ताव गरिएका जरिवाना तथा क्षतिपुर्ती सम्वन्धी व्यवस्था हुबहु लागू भएमा लोकतन्त्रको आधारभुत मूल्याको रुपमा स्थापित प्रेस तथा अभिव्यक्ति स्वतन्त्रतामा ग्रहण लाग्ने स्थिति देखिएकाले विधेयक संसोधनको माग उठाइएको नेपाल प्रेस यूनियन जिल्ला कार्य समिति खोटाङका अध्यक्ष उत्तम चौंलागाँईले बताए ।

वर्तमान सरकार संसदमार्फत नै कानून बनाएर आम सञ्चारमाध्यमलाई स्वस्थ, स्वतन्त्र, मर्यादित र उत्तरदायी बनाउने नाममा स्वतन्त्रता र मौजुदा अभ्यासलाई ‘कू’ गर्न लागि परेको युनियनको ज्ञापनपत्रमा उल्लेख छ । ‘नेपालका सञ्चार संस्थाहरुलाई जरिवानाको कहाली लाग्दो व्यवस्था गरेर सरकारले पेशा र व्यवसायबाटै पलायन गर्नेसम्मको नियत राखेको देखिएको छ,’ ज्ञापनपत्रमा भनिएको छ, ‘यो संगीन घडीमा सरकारले ल्याएको तथा ल्याउने तयारी गरिरहेको बिधेयक संसोधन गरि प्रेस तथा अभिव्यक्ति स्वतन्त्रताको पक्षमा बनाउन माग गर्दछ ।’


मिडिया काउन्सिलका प्रावधानले साना लगानीका मिडियालाई निरुत्साहित गर्ने तथा बहुसंख्यक पत्रकार विस्थापित हुने र पत्रकारितालाई भजनमण्डलीमा रुपान्तरण गर्ने खतरा देखिएको यूनियनले जनाएको छ । श्रमजिवी पत्रकार ऐनलाई खारेज गरी श्रम ऐन ल्याउन लागिएको विषयमा सरकारले स्पष्ट कारण दिन नसकेको भनिएको छ । ‘पत्रकारितामा कमजोरी भएमा एक करोडसम्म जरिवाना र १५ वर्षसम्म कैंद राख्ने सजाय पत्रकारले सोच्ने विषय होईन,’ अध्यक्ष चौलागाँईले भने, ‘गाली बेइज्जतीको कुरामा समेत कसुरको मात्रा अनुशार तीन लाखदेखि १० लाखसम्म जरिवाना हुने व्यवस्थाले भ्रष्टाचार लगायतका विषयमा खोजी पत्रकारिता गर्ने पत्रकारलाई निरुत्साहित गर्ने किसिमले ल्याइएको छ ।’
२०७६ बैशाख ३१ गते राती ८ :५७ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

नाछिरिङ राई भाषाको पाठ्यापुस्तक विमोचन

समायोजन खबर खोटाङ, नाछिरिङ राई भाषाको पाठ्यापुस्तक विमोचन गरिएको...

हत्या भएका ४ वटा शव उठाइयो,५ वटा उठाउन बाँकी

समायोजन खबर पाँचथर, मिक्लाजुङ ३ आरुबोटेमा भएको हत्यामा भएका...

कविता, द्रौपदी

चित्र कुमार सुवेदी, सत्य बोल्ने युधिष्ठिर सर्व श्रेष्ठ बलिया भीम धर्नुधारी...

गायन क्षेत्रमा जम्दै रश्मी

समायोजन खबर खोटाङ, जन्तेढुङ्गा गाउँपालिका–४ डम्वर्खुशिवालयको चुम्लुङकी रश्मी राई...

भीरबाट लडेर एक जनाको मृत्यु

समायोजन खबर खोटाङ, भीरबाट लडेर खोटाङका एक बृद्धको ज्यान...

मुख्य समाचार

नाछिरिङ राई भाषाको पाठ्यापुस्तक विमोचन

समायोजन खबर खोटाङ, नाछिरिङ राई भाषाको पाठ्यापुस्तक विमोचन गरिएको...

हत्या भएका ४ वटा शव उठाइयो,५ वटा उठाउन बाँकी

समायोजन खबर पाँचथर, मिक्लाजुङ ३ आरुबोटेमा भएको हत्यामा भएका...

प्रदेश १ मा कृषकलाई २२ करोड ४० लाख अनुदान

समायोजन खबर विराटनगर, प्रदेश १ को सरकारले समग्र कृषि...

कविता, द्रौपदी

चित्र कुमार सुवेदी, सत्य बोल्ने युधिष्ठिर सर्व श्रेष्ठ बलिया भीम धर्नुधारी...

लोकसभा चुनावको मतगनणा जारी, भाजपाको अग्रता अनलाईन लोगो

समायोजन खबर काठमाण्डौ, भारतमा लोकसभा चुनाव सकिए लगतै मतगनणा...