Samayojan khabar

Advertisment

SKIP THIS

कोरिया जान फारम भर्ने युवाहरुको घुँइचो

समायोजन खबर काठमाण्डौ,
कोरियन भाषा परीक्षाका लागि आवेदन फारम खुलेसँगै देशभरिका बैँकहरूमा युवाहरुको घुँईचो बढेको छ । हिजो एकैदिन मात्रै ५५ हजार युवाले आवेदन दिएका छन् । न खाई, न निदाई युवाहरू लाइन लागेको देख्दा स्वदेशमा रोजगारी सृजना नभएको भन्दै एकातर्फ सरकारको आलोचना भएको छ भने अर्कोतर्फ युवाहरु कोरिया पुगेपछिको योजनाका बारेमा पनि प्रष्ट छैनन् ।

 

काठमाडौँको सुन्धारा, बानेश्वर, ठमेललगायत विभिन्न ठाउँका वैँकहरूमा सयौँ युवाहरु कोरिएन भाषा परीक्षाको लागि आवेदन भर्न तछाडमछाड गरिरहेका छन् । अस्ति मध्यरातिदेखि नै आवेदन खुल्यो । कोरिया जान पाइयो भने राम्रो आम्दानी गर्ने र भविष्य सुनिश्चित हुने विश्वास युवाहरूको छ । काभ्रेका २० वर्षीय केशव ओली पनि त्यही लाइनमा भेटिनुभएको थियो । सिन्धुलीका विकास महत कोरिया जानको लागि काठमाण्डौँ बसेको चार महिना भयो । १९ वर्षको समय पढ्ने, लेख्ने र आफ्नै खुट्टामा उभिन जग बनाउने भए पनि विकासलाई जसरी पनि कोरिया जाने हतारो छ ।

सरकाले रोजगारी सिर्जना गर्ने बताइरहँदा विदेशको सीमित मागमा असीमित सङख्याका युवा लामबद्ध हुन्छन् । दक्षजनशक्ति नभएका कारण नेपालमा रोजगारी सिर्जना गर्न गाह्रो भयो भन्नुहुन्छ, श्रम, रोजगार तथा सामाजिक सुरक्षा मन्त्री गोकर्ण विष्ट । १८ वर्ष पूरा भएका र ३९ वर्ष ननाघेका युवा कोरिया जान योग्य मानिन्छन् । त्यसअनुसार ६० हजारभन्दा बढी युवा त्यहाँ पुगिसके । सन् २०१९ का लागि कोरियाले १० हजार ५० जना कामदार माग गरेको छ । वैदेशिक रोजगारीप्रतिको आकर्षण यतिका देखिनुमा मुलुकमा रोजगारीको सम्भावना नभएरै हो ? वैदेशिक रोजगारविज्ञ डा. गणेश गुरुङ युवाहरुको धेरै कमाउने चाहना र देशमा बढेको निराशाले युवालाई विदेश जान प्रेरित गरेको बताउनुहुन्छ । वैदेशिक रोजगारीमा जानेमध्ये ७५ प्रतिशत अदक्ष हुने गरेका छन् । सरकारले यसवर्ष मात्रै सीपमूलक तालिम सञ्चालनका लागि ७ अर्बभन्दा धेरै रकम खर्च गर्दैछ । रोजगारीका अवसर सिर्जना गर्ने घोषणा सरकारले एकातर्फ गरेको छ । तर दक्ष जनशक्ति श्रम बजारमा नआउँदा रोजगारी सिर्जा गर्ने सरकारको घोषणा कार्यान्वयनमा समस्या देखिने गरेको छ ।
२०७५ चैत्र ९ गते बिहान ८ :५५ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

दिप्रुङमा छैटौं वर्थिङ सेन्टर

समायोजन खबर  खोटाङ, दिपु्रङ चुइचुम्मा गाउँपालिकामा छैटौं वर्थिङ सेन्टर...

जन्मदिनमा गरिब विधार्थीलाई पोशाक र कलम वितरण

चिसाङ शेर्पा खोटाङ, पछिल्लो पुस्तामा सामान्यतय सवैले नातेदार, साथीभाई...

शिक्षा क्षेत्रका दर्जन व्यक्ति सम्मानित

चिसाङ शेर्पा खोटाङ, शिक्षा तथा अन्तर्राष्ट्रिय साक्षरता दिबसको अवसरमा...

तेस्रो लक्ष्मीमार्ग अन्तर्राष्ट्रिय आमन्त्रण फुटबलको राशि दोब्बर

समायोजन खबर बेलबारी, मोरङको बेलबारीमा असोज ४ गते देखी...

तरकारीको मूल्य कती

समायोजन खबर खोटाङ, खोटाङको दिक्तेलबजारस्थित शनिवारे हाटमा तरकारी किन्दै...

मुख्य समाचार

रोल्पामा पहिरोले एक घरमा छ जना पुरिए

समायोजन खबर रोल्पा, रोल्पाको थबाङमा पहिरोले छ जना पुरिएका...

दिप्रुङमा छैटौं वर्थिङ सेन्टर

समायोजन खबर  खोटाङ, दिपु्रङ चुइचुम्मा गाउँपालिकामा छैटौं वर्थिङ सेन्टर...

जन्मदिनमा गरिब विधार्थीलाई पोशाक र कलम वितरण

चिसाङ शेर्पा खोटाङ, पछिल्लो पुस्तामा सामान्यतय सवैले नातेदार, साथीभाई...

बिक्री हुन छोड्यो माटाका भाडा

चिसाङ शेर्पा खोटाङ, आधुनिक प्रविधिका भाडाहरु बजारमा आउन थालेपछि...

शिक्षा क्षेत्रका दर्जन व्यक्ति सम्मानित

चिसाङ शेर्पा खोटाङ, शिक्षा तथा अन्तर्राष्ट्रिय साक्षरता दिबसको अवसरमा...